.

.

"Tum kaun ho, Miss Mehra?"

Yeh sawaal poori raat Reyansh ke dimaag mein ghoomta raha.

Parking lot wala scene usse baar-baar yaad aa raha tha.

Uski aankhen.

Uska reaction.

Aur woh ajeeb sa connection.

Kuch toh tha jo match nahi kar raha tha.

---

Next Morning...

Reyansh apne cabin mein baitha hua tha.

Uske saamne Aarya ki employee file rakhi thi.

"Anya Mehra."

Usne file band kar di.

Phir intercom uthaya.

"Rahul, mere cabin mein aao."

"Yes, sir."

Kuch minute baad assistant cabin mein tha.

"Sir?"

"Mujhe Miss Mehra ki complete background report chahiye."

Assistant shock ho gaya.

"Background report?"

"Haan."

"Sir, company verification already ho chuka hai."

Reyansh ki nazrein thandi ho gayi.

"Main repeat nahi karta."

"Understood, sir."

Assistant turant bahar chala gaya.

---

Aarya apni desk par baithi kaam kar rahi thi.

Tabhi uski best friend Kiara ka message aaya.

📱 Mission Revenge kaisa chal raha hai?

Aarya ne reply kiya.

📱 Mission theek chal raha hai. Bas CEO pagal kar raha hai.

📱 Ya phir handsome CEO distract kar raha hai?

Arya ne phone lock kar diya.

"Pagal ladki."

Tabhi uske desk par shadow padi.

Aarya ne upar dekha.

Aur uska mood kharab ho gaya.

Reyansh.

Again.

---

"Miss Mehra."

"Sir."

"Mere cabin mein aao."

"Ab kya hua?"

Reyansh ne eyebrow raise ki.

"Kuch kaha tumne?"

Aarya fake smile karte hue boli,

"Nahi sir."

---

Cabin ke andar...

Reyansh ne ek file uski taraf badha di.

"Yeh project tum handle karogi."

Aarya ne file kholi.

Aur phir uska muh khul gaya.

"Sir! Yeh impossible hai."

"Impossible word mujhe pasand nahi."

Aarya ne file band ki.

"Mujhe bhi."

Reyansh uski taraf dekhta raha.

Pata nahi kyun...

Uski har baat par Reyansh ko yaad aata tha bachpan ki Arya bhi exactly aise hi jawab deti thi.

Ziddi.

Fearless.

Annoying.

---

Lunch break ke waqt...

Poora office cafeteria mein tha.

Aarya quietly lunch kar rahi thi.

Tabhi ek employee uske paas aayi.

"Miss Mehra."

"Haan?"

"CEO sir ne aaj tak kisi employee ko personally project assign nahi kiya."

Aarya ne confused hokar poocha,

"Toh?"

"Toh ya toh woh aapse impress hain..."

Employee ne drama ke liye pause liya.

"Ya phir aapki life barbaad karne wale hain."

Aarya ne seedha jawab diya.

"Second option."

---

Shaam ko...

Reyansh ke assistant ne background report laakar uske desk par rakhi.

"Sir, yeh Miss Mehra ki report."

Reyansh ne file kholi.

Sab kuch normal tha.

School.

College.

Work history.

Lekin...

Kuch missing tha.

Bahut kuch.

Jaise kisi ne jaan-boojhkar records change kiye ho.

Reyansh ki aankhen sikud gayi.

"Interesting."

Usne file dobara padhi.

Aur tab uski nazar ek date par padi.

Uska dil ek second ke liye ruk gaya.

Wahi date.

Jis din Aarya sharma uski zindagi se gayab hui thi.

Coincidence?

Ya kuch aur?

Reyansh ne khidki ke bahar dekha.

Neeche parking lot mein Arya apni car ki taraf ja rahi thi.

Usne dheere se kaha,

"Miss Mehra..."

"Tum jitna khud ko chhupa rahi ho..."

"Utna hi mujhe tum par shak ho raha hai."

Aur is baar...

Reyansh Shekhawat sach jaan kar hi rahega.

Us raat...

Aarya ghar pahunchi toh uska dimaag poori tarah thak chuka tha.

Woh seedha apne room mein gayi aur bed par gir padi.

Lekin neend uski aankhon se koson door thi.

Reyansh ka shak badhta ja raha tha.

Aur yeh uske mission ke liye accha nahi tha.

Tabhi uska phone vibrate hua.

Kiara ka call.

"Hello?"

"Mission Revenge Queen, zinda ho?"

Aarya ne aankhen ghumayi.

"Barely."

"CEO ne phir tang kiya?"

"Phir?"

Aarya hansi.

"Woh toh full-time job hai uski."

Dono hans padi.

Lekin Aarya ki hansi jaldi hi gayab ho gayi.

"Kiara..."

"Hmm?"

"Kabhi kabhi lagta hai maine jo suna tha... kahin woh sab jhooth toh nahi tha?"

Phone ke doosri taraf khamoshi chha gayi.

"Kya matlab?"

Aarya ne dheere se kaha,

"Pata nahi. Bas... Reyansh waisa nahi lagta jaisa maine socha tha."

Dusri taraf...

Shekhawat Mansion.

Reyansh apne study room mein baitha tha.

Uske saamne Aarya ki file khuli hui thi.

Har page ko woh dobara padh raha tha.

Tabhi door knock hua.

"Come in."

Savitri Dadi andar aayi.

"Abhi tak jaag rahe ho?"

"Kaam tha."

Dadi muskura di.

"Ya phir koi aur wajah hai?"

Reyansh ne eyebrow raise ki.

"Kya matlab?"

Dadi uske saamne baith gayi.

"Us nayi employee ka naam kya hai?"

Reyansh almost choked.

"Anya Mehra."

"Achha."

Dadi ke chehre par halki si smile aa gayi.

Reyansh ne suspicious nazron se dekha.

"Aapko kaise pata?"

"Beta, main tumhari dadi hoon."

"Jab tum kisi ke baare mein sochte ho na... tumhare chehre par saaf likha hota hai."

"Dadi!"

"Main bas keh rahi hoon."

Reyansh ne file band kar di.

Lekin uske dimaag mein ek hi sawaal tha.

Anya Mehra...

Ya Aarya Sharma?

To be continued....

Did you enjoy it? Let me know your favorite part in the comments. 💌

Vote ⭐ | Comment 💬 | Share 📖

See you in the next chapter, Kashvians! 🤍✨

For new updates !!

Follow my Instagram account