.

.

Conference room mein poori board meeting chal rahi thi.

Arya ke haath mein presentation file thi.

Uske saamne company ke senior board members baithe the.

Aur sabse aage...

Reyansh Shekhawat.

Uski nazrein seedha Aarya par tiki hui thi.

"Miss Mehra," Reyansh ne chair par peeche hote hue kaha.

"The stage is yours."

Arya ne ek gehri saans li.

Yeh mauka bhi tha.

Aur challenge bhi.

Usne presentation shuru ki.

Pehle kuch minutes sab normal tha.

Lekin dheere-dheere board members uski presentation se impress hone lage.

Har point clear.

Har strategy perfect.

Sab kuch flawless.

Meeting khatam hote hi ek board member bola,

"Excellent work, Miss Mehra."

Aarya muskura di.

"Thank you."

Lekin Reyansh chup tha.

Uski aankhen Aarya par tiki hui thi.

Jaise woh uski presentation nahi...

Usse padhne ki koshish kar raha ho.

---

Meeting ke baad...

Arya corridor mein chal rahi thi.

Tabhi peeche se awaaz aayi.

"Miss Mehra."

Arya ruk gayi.

Aur mann hi mann boli,

"Lo aa gaya khadoos CEO."

Woh palti.

Reyansh uske saamne khada tha.

"Kya hua, sir?"

"Tumne jo Singapore Project strategy di..."

"Haan?"

"Uska idea tumhe kahan se mila?"

Aarya ek second ke liye freeze ho gayi.

Kyunki woh strategy uske father use sikhaya karte the.

Aur sirf kuch hi log uske baare mein jaante the.

"Research."

Aarya ne jaldi se jawab diya.

Reyansh ne uski aankhon mein dekha.

"Interesting."

Arya ko uska "interesting" bilkul pasand nahi aaya.

---

Lunch Time...

Poora office cafeteria mein tha.

Aarya ek corner table par baithi hui thi.

Tabhi kisi ne uske saamne chair kheench li.

Aarya ne upar dekha.

Aur almost paani gale mein atak gaya.

"Sir?"

Reyansh aaram se baith gaya.

"Kya hua?"

"Yeh employee section hai."

"Toh?"

"Aap CEO ho."

Reyansh ne coffee sip ki.

"Aaj se main yahin lunch karunga."

Poora cafeteria shock mein tha.

Employees chupke-chupke photos lene lage.

Aarya ne aankhen band kar li.

"Bas yahi baaki tha."

---

Shaam ko...

Aarya apna kaam khatam kar rahi thi.

Tabhi uske desk par ek aur file aa giri.

Aarya ne upar dekha.

Reyansh.

Again.

"Yeh complete karna hai."

Aarya ne file dekhi.

Phir usse dekha.

Phir file.

"Sir, aap mujhe employee samajhte ho ya machine?"

Reyansh ke lips par halka sa smirk aaya.

"Pakka employee."

"Toh phir mujhe insaanon wali treatment bhi milni chahiye."

Reyansh halka sa hans pada.

Aur Aarya shock ho gayi.

Usne pehli baar Reyansh ko haste dekha tha.

Ek second ke liye...

Woh wahi purana Reyansh lag raha tha.

Uska bachpan wala dost.

Uska pehla pyaar.

Lekin Arya ne turant nazrein hata li.

Nahi.

Woh sab khatam ho chuka tha.

---

Us raat...

Reyansh apne cabin mein akela baitha tha.

Uske saamne Arya ki employee file padi thi.

"Aarya Sharma..."

Usne dheere se naam padha.

Lekin uska dil keh raha tha ki yeh sach nahi hai.

Kuch toh chhupa hua tha.

Kuch aisa jo uski zindagi se juda hua tha.

Usne drawer khola.

Aur bachpan ki woh photo nikali.

Photo mein ek chhoti si ladki muskura rahi thi.

Aarya.

Reyansh ne photo ko dekha.

Phir Aarya ka chehra yaad kiya.

Aur pehli baar...

Uske dil mein shak paida hua.

"Kya tum waqai Aarya Mehra ho?"

Ya...

"Meri Aarya?"

🌸 That's all for this chapter!

Did you enjoy it? Let me know your favorite part in the comments. 💌

Vote ⭐ | Comment 💬 | Share 📖

See you in the next chapter, Kashvians! 🤍✨

For new updates

Follow my Instagram account