Aarya ne apni nazrein jhuka li.

"Nahi, Mr. Shekhawat."

Yeh uska pehla jhooth tha.

Aur shayad uski zindagi ka sabse khatarnak jhooth bhi.

Reyansh kuch pal tak usse dekhta raha.

Usse samajh nahi aa raha tha ki kyun is ladki ko dekhkar ek ajeeb si feeling aa rahi thi.

Jaise woh usse pehle se jaanta ho.

Lekin yeh mumkin nahi tha.

Aakhir woh sirf ek employee thi.

"Fine," Reyansh ne file band karte hue kaha.

"Let's get straight to work."

Aarya ne sir hila diya.

"Sure, sir."

Uske muh se "sir" sun kar pata nahi kyun Reyanshko irritation hui.

Lekin usne ignore kar diya.

"Aaj se tum Singapore Takeover Project handle karogi."

Aarya ki aankhon mein surprise dikh gaya.

Yeh company ka sabse important project tha.

Aur usse pehle hi din itni badi responsibility?

"Any problem?" Reyansh ne eyebrow raise ki.

Aarya ne turant jawab diya.

"No. I can handle it."

Reyansh ke lips par halka sa smirk aaya.

"Good. Mujhe weak employees pasand nahi."

Aarya ne uski aankhon mein dekhte hue kaha,

"Mujhe bhi arrogant bosses pasand nahi."

Cabin mein achanak khamoshi chha gayi.

Assistant jo side mein khada tha, uska toh rang hi udd gaya.

Kisi ne aaj tak Reyansh Shekhawat se is tone mein baat nahi ki thi.

Reyansh dheere se apni chair se utha.

Aur Aarya ke saamne aakar ruk gaya.

"Excuse me?"

Arya ne bina dare uski taraf dekha.

"I said what I said."

Reyansh ki aankhen sikud gayi.

"Tumhe lagta hai tum bahut brave ho?"

Aarya halka sa muskuraayi.

"Nahi. Bas sach bolne ki aadat hai."

Reyansh ko uski yeh baat bilkul pasand nahi aayi.

Lekin ajeeb baat yeh thi...

Ki woh gussa hone ke bajaye interested ho raha tha.

Pehli baar kisi ne uske saamne khade hokar jawab diya tha.,

"Tum ja sakti ho."

Aarya ne file uthayi.

"Thank you, sir."

Aur bina peeche dekhe cabin se bahar nikal gayi.

Jaise hi door band hua...

Reyansh ki nazrein us file par gayi jo Arya table par bhool gayi thi.

Usne file uthayi.

Tabhi usme se ek chhota sa photo neeche gir gaya.

Ek bachpan ki photo.

Reyansh ne photo uthayi.

Lekin usse dekhne se pehle hi cabin ka door dobara khul gaya.

Aarya ghabra kar andar aayi.

Uski nazar seedha us photo par gayi.

Uska chehra ek pal mein safed pad gaya.

Sir... woh photo meri hai."

Aarya ki awaaz mein pehli baar ghabrahat thi.

Reyansh ne photo ko apni ungliyon ke beech pakad rakha tha.

Uski teekhi nazrein Aarya ke chehre par tik gayi.

"Aisi kya baat hai is photo mein, Miss Mehra?" usne shaant lekin shak bhari awaaz mein poocha.

Aarya ka dil zor-zor se dhadakne laga.

Us photo mein uska bachpan tha.

Uski asli pehchaan thi.

Aur sabse badi baat...

Usmein Reyansh bhi tha.

Agar Reyansh ne photo dekh li, toh uska poora plan khatam ho sakta tha.

"Sir, it's personal."

Reyansh ne eyebrow raise ki.

"Personal?"

Usne dheere se photo ko palatne ki koshish ki.

Aarya turant aage badhi.

"Sir!"

Dono ke haath ek hi waqt photo par aa gaye.

Ek pal ke liye dono ki nazrein mili.

Cabin mein ajeeb si khamoshi chha gayi.

Aarya ne jaldi se photo uske haath se le li.

"Sorry, sir. Yeh meri family memories hain."

Reyansh peeche hat gaya.

Lekin uska shak aur badh gaya tha.

Yeh ladki kuch chhupa rahi thi.

Aur woh sach jaan kar hi rahega.

"Fine," usne thandi awaaz mein kaha.

"Lekin office mein personal cheezon ke liye jagah nahi hoti."

Aarya ne sir hila diya.

"Noted, sir."

"Ab jaakar project complete karo."

Aarya cabin se bahar nikal gayi.

Project discuss karne ke baad Arya ko ek important report complete karni thi.

Lekin poori raat travel karne ki wajah se woh bahut thak chuki thi.

Lunch break ke baad woh office ke ek quiet conference room mein file padhte-padhte so gayi.

Dusri taraf...

Reyansh uska intezaar kar raha tha.

Ek ghanta.

Do ghante.

Teen ghante.

Lekin Aarya ka koi pata nahi.

Uska patience khatam ho raha tha.

"Where is Miss Mehra?" usne gusse mein poocha.

Poora office tension mein aa gaya.

Koi jawab nahi de paya.

Aakhir mein Reyansh khud usse dhoondte hue conference room tak pahunch gaya.

Door khola.

Aur jo usne dekha usse uska gussa aur badh gaya.

Miss Anya Mehra...

Conference table par sir rakh kar aaram se so rahi thi.

Uske aas-paas important files padi hui thi.

Reyansh ne disbelief mein usse dekha.

"Kamaal hai."

Woh dheere se uske paas gaya aur table par zor se knock kiya.

Aarya jhatke se uth gayi.

"Huh? Kya hua?"

Reyansh ne apne haath baandh liye.

"Maine tumhe company ka sabse important project diya tha."

Aarya ne neend bhari aankhon se uski taraf dekha.

"Toh?"

"Toh tum so rahi thi!"

Aarya ne kandhe uchka diye.

"Main report padhte-padhte so gayi."

Poora office agar yeh scene dekhta toh shock ho jaata.

Kyunki aaj tak kisi ne Reyansh Shekhawat ko itna irritate nahi kiya tha.

Aur aaj tak kisi employee ne uske saamne itni casually jawab nahi diya tha.

Reyansh ne daanton ke beech se kaha,

"Miss Mehra, you're impossible."

Aarya halka sa muskuraayi.

"And you're annoying, Mr. Shekhawat."

Dono ek dusre ko ghoorne lage.

Unhe nahi pata tha...

Yeh sirf unki pehli office fight thi.

🌸 That's all for this chapter!

Did you enjoy it? Let me know your favorite part in the comments. 💌

Vote ⭐ | Comment 💬 | Share 📖

See you in the next chapter, Kashvians! 🤍✨